თბილისის დავით აღმაშენებლის სასწავლო უნივერსიტეტი

ეროვნული განათლება ეროვნული ტრადიციები

 

შენობის ხედი
უნივერსიტეტის ეზო
გელათი
გელათის მონასტერი — ქართული ხუროთმოძღვრული ანსამბლი, შუა საუკუნეების საქართველოს უმნიშვნელოვანესი ცენტრი. აგებულია ქ. ქუთაისის ჩრდილოეთ-აღმოსავლეთით 11 კმ-ზე, მდინარე წყალწითელის ხეობაში. დაარსებულია 1106 წელს დავით აღმაშენებლის თაოსნობით
დავითმა მემკვიდრეებს დაუტოვა ქვეყანა "ნიკოფსიიდან დარუბანდამდე და ოვსეთიდან არეგაწამდე"
ბიბლიოთეკა
ბიბლიოთეკა
სტომატოლოგიური კაბინეტი
კომპიუტერული კლასი

საქართველოს განათლებისა და მეცნიერების სამინისტრო


გამოცდების ეროვნული ცენტრი


განათლების ხარისხის განვითარების ეროვნული ცენტრი

სტუდენტთა კურთხევა

19 სექტემბერს, თბილისის დავით აღმაშენებლის სასწავლო უნივერსიტეტის აუდიტორიები სტუდენტებმა აახმიანეს. პირველკურსელებს საზეიმო შეხვედრა მოუწყეს უნივერსიტეტის პროფესორ-მასწავლებლებმა და ადმინისტრაციამ. რამდენიმე დღეში სტუდენტები უნივერსიტეტის რექტორის მიწვევით ქუთაისში, გელათის მონასტერში გაემგზავრნენ. სტუდენტებმა ყვავილებით შეამკეს დავით აღმაშენებლის საფლავი და დადეს სტუდენტური ფიცი. პირველკურსელები დალოცა გელათის მონასტრის წინამძღვარმა, აგრეთვე უნივერსიტეტის რექტორმა პროფესორმა ანზორ შარაშენიძემ და სამახსოვრო საჩუქრები გადასცა მათ.

 

 

 

 

 

 

ავსტრიის საელჩოს გახსნა

 

 

22 სექტემბერს საქართველოში ავსტრიის საელჩო გაიხსნა. ოფიციალურ ღონისძიებას ავსტრიის საგარეო საქმეთა სამინისტროს გენერალური მდივანი, ელჩი მიხაელ ლინჰარტი დაესწრო, რომელმაც აღნიშნა, რომ საელჩოს გახსნა ხელს შეუწყობს ორ ქვეყანას შორის პოლიტიკური, ეკონომიკური და კულტურული ურთიერთობების გაძლიერებას.

  საელჩოს გახსნის საზეიმო ცერემონიალზე ავსტრიის მხარის მოწვევით იმყოფებოდნენ   უნივერსიტეტის რექტორი,  პროფესორი ანზორ შარაშენიძე და  პროფესორები. შეხვედრაზე აღინიშნა, რომ  საელჩოს გახსნა იმ დროს, როდესაც სხვა ევროპის ქვეყნებში საელჩოები იხურება, ნიშნავს იმას, რომ საქართველო არის საინტერესო, მიმზიდველი და სტაბილური ქვეყანა  ევროპისთვის და არა მარტო მისთვის. საელჩოს გახსნა  კიდევ უფრო შეუწყობს ხელს ორმხრივი თანამშრომლობის გაღრმავებას სხვადასხვა სფეროში, მათ შორის, ეკონომიკისა და ინვესტიციების მოზიდვის თვალსაზრისით. შეხვედრაზე ხაზი გაესვა იმ გარემოებას, რომ სტრატეგიული გეოპოლიტიკური მდებარეობისა და ევროპული მისწრაფებების მიხედვით, საქართველოს რეგიონი მნიშვნელოვანი მოთამაშეა და იგი  რჩება ავსტრიის განვითარების თანამშრომლობის ფარგლებში პრიორიტეტულ ქვეყნად.

 

 

 

 

 

 

აბიტურიენტთა საყურადღებოდ!

თბილისის დავით აღმაშენებლის სასწავლო უნივერსიტეტში სწავლების უფლებამოპოვებული პირების  რეგისტრაცია იწარმოებს 29 აგვისტოდან 12 სექტემბრამდე.

რეგისტრაციისათვის გთხოვთ წარმოადგინოთ შემდეგი დოკუმენტაცია:

  1. პირადობის დამადასტურებელი მოწმობის ასლი;
  2. სრული ზოგადი განათლების დამადასტურებელი დოკუმენტის (ატესტატის) ნოტარიალური წესით დამოწმებული ასლი;
  3. სამხედრო აღრიცხვაზე ყოფნის დამადასტურებელი დოკუმენტის ასლი (ვაჟებისათვის);
  4. 2 ფოტოსურათი 3X4 და ელ-ვერსია (CD);
  5. სწავლის საფასურის გადახდის ქვითარი

საბანკო რეკვიზიტი:

ტერა ბანკი”    ანგარიშის ნომერი: GE66KS0000000004151229

 კოდი: AGREGE22.

სწავლის საფასურის გადახდის ქვითარში მიუთითეთ  სტუდენტის გვარი, სახელი, სემესტრი და საგანმანათლებლო პროგრამა.

 

დამატებითი ინფორმაციისათვის დაგვიკავშირდით

 032  237 88 66; (+995) 592 92 22 44;  577 (+995) 577 71  50 70

გისურვებთ წარმატებებს!

მაგისტრანტობის კანდიდატთა საყურადღებოდ!

საერთო სამაგისტრო გამოცდების შედეგების საფუძველზეთბილისის დავით აღმაშენებლის სასწავლო უნივერსიტეტში  ბიზნესის ადმინისტრირების სამაგისტრო პროგრამაზე  სწავლის უფლების მოპოვების მიზნით, მაგისტრანტობის კანდიდატი ვალდებულია:

 

ჩააბაროს უნივერსიტეტის მიერ განსაზღვრული გამოცდა ინგლისურ ენაში (B2 დონე) და გასაუბრება სპეციალობაში

 

კანდიდატთა რეგისტრაციის ვადა განსაზღვრულია  26 აგვისტოდან 15 სექტემბრის  ჩათვლით. რეგისტრაცია ჩატარდება  ორშაბათიდან პარასკევის ჩათვლით, 12:00 საათიდან 18:00 საათამდე უნივერსიტეტის I კორპუსში;

 

მის.: სულხან ცინცაძის N24 , VI  სართული, ოთახი N.605

 

მაგისტრანტობის კანდიდატი ვალდებულია რეგისტრაციისას წარმოადგინოს:

 

  • ბაკალავრის დიპლომი (დედანი), ან ნოტარიულად დამოწმებული ასლი;
  • საგამოცდო-საიდენტიფიკაციო ბარათი;
  • პირადობის დამადასტურებელი დოკუმენტის ასლი;
  • სამხედრო აღრიცხვაზე ყოფნის დამადასტურებელი დოკუმენტის ასლი;
  • 2 ფოტოსურათი (3X4).     

 

გამოცდა უცხო ენაში ჩატარდება  16 სექტემბერს, 12:00 საათზე,

 

გასაუბრება სპეციალობაში ჩატარდება 17  სექტემბერს  12 :00 საათზე,

 

მისამართი:  სულხან ცინცაძის N24 , VI  სართული, ოთახი N.604

 

დამატებითი ინფორმაციისათვის დაგვიკავშირდით

 032  237 88 66; (+995) 592 92 22 44;  577 (+995) 577 71  50 70

გისურვებთ წარმატებებს!

თბილისის დავით აღმაშენებლის უნივერსიტეტის საერთაშორისო აღიარება

ესპანური  ჟურნალ  „ადარრის“ 2016 წლის გამოცემამ,  დიდი ადგილი დაუთმო  თბილისის დავით აღმაშენებლის სასწავლო უნივერსიტეტის მიღწევების მიმოხილვას. ჟურნალმა ასევე ფართოდ გააშუქა უნივერსიტეტის რექტორისთვის, პროფესორ ანზორ შარაშენიძისთვის ჯილდოს  „ხარისხის მიმართულებით ლიდერობისა და ინოვაციური მიდგომებისათვის (ოქროს კატეგორია)“ გადაცემა.

 

 

მობილობის მსურველთა საყურადღებოდ!

თბილისის დავით აღმაშენებლის სასწავლო უნივერსიტეტი აცხადებს 


სტუდენტთა მობილობას 2016 – 2017 სასწავლო წლის შემოდგომის 


სემესტრისთვის შემდეგ საგანმანათლებლო პროგრამებზე:


ბაკალავრიატის საგანმანათლებლო პროგრამები


ინგლისური ფილოლოგია - 20 ადგილი


ბიზნესის ადმინისტრირება - 60 ადგილი


სამაგისტრო საგანმანათლებლო პროგრამა


ბიზნესის ადმინისტრირება - 20 ადგილი

 

სწავლის წლიური გადასახადი 1800 ლარი


სტუდენტისათვის, რომელიც პირველი არჩევანით განახორციელებს მობილობას

 

თბილისის დავით აღმაშენებლის სასწავლო უნივერსიტეტში,

 

სწავლის გადასახადი შეადგენს 1500 ლარს

 

განსხვავებულ სასწავლო კურსებს სტუდენტები გაივლიან უფასოდ

 


დამატებითი ინფორმაციისათვის დაგვიკავშირდით:


(+995) 592 92 22 44 - ანა მამაცაშვილი


(+995) 577 71 50 70 -ირინა ვაშაკიძე

მემორანდუმი ქალაქ მცხეთის საკრებულოსა და თდასუ-ს შორის

გაფორმდა მემორანდუმი ქალაქ მცხეთის საკრებულოსა და  თბილისის დავით აღმაშენებლის სასწავლო უნივერსიტეტს შორის. ურთიერთ თანამშრომლობის  მიზანია უნივერსიტეტის ბიზნესის ადმინისტრირებისა და სამართალმცოდნეობის საგანმანათლებლო  პროგრამების სტუდენტთა სტაჟირების ხელშეწყობა,   პრაქტიკული გამოცდილებისა და შესაბამისი უნარ-ჩვევების განვითარება, მემორანდუმი აგრეთვე   ითვალისწინებს სხვადასხვა ერთობლივი პროგრამის დაგეგმვასა და პროექტების განხორციელებას. მემორანდუმს ხელი მოაწერეს. ერთიმხრივ, ქალაქ მცხეთის საკრებულოს თავმჯდომარემ ზურაბ აბესაძემ, ხოლო მეორე მხრივ, თბილისის დავით აღმაშენებლის სასწავლო უნივერსიტეტის რექტორმა,  პროფესორმა ანზორ შარაშენიძემ.

 

 

მერიასა და თბილისის დავით აღმაშენებლის სასწავლო უნივერსიტეტს შორის მემორანდუმი გაფორმდა

თბილისის მერიასა და თბილისის დავით აღმაშენებლის სასწავლო უნივერსიტეტს შორის თანამშრომლობის მემორანდუმი გაფორმდა. 
როგორც „ინტერპრესნიუსს“ თბილისის მერიიდან აცნობეს, მემორანდუმს ხელი, ერთი მხრივ, თბილისის მერმა დავით ნარმანიამ, ხოლო მეორე მხრივ, შპს „თბილისის დავით აღმაშენებლის სასწავლო უნივერსიტეტის” რექტორმა ანზორ შარაშენიძემ მოაწერეს. 

მემორანდუმის საგანია მხარეთა ურთიერთთანამშრომლობა საგანმანათლებლო სფეროში, სტუდენტების კვალიფიკაციის ამაღლების, პროფესიული უნარ-ჩვევების გამომუშავებისა და პრაქტიკული გამოცდილების მიღების ხელშეწყობის მიზნით. 
მხარეები ერთობლივად შეუწყობენ ხელს სტუდენტების პრაქტიკული გამოცდილებისა და შესაბამისი უნარ-ჩვევების განვითარებას. პროფესიული განვითარების ხელშეწყობის მიზნით, დაიგეგმება და განხორციელდება ერთობლივი ღონისძიებები.

წყარო interpressnews.ge

ვიზიტი ავსტრიაში – ურთიერთთანამშრომლობის მემორანდუმი

2016 წლის 2-6 მაისს თბილისის დავით აღმაშენებლის სასწავლო უნივერსიტეტის რექტორი , პროფესორი ანზორ შარშენიძე მიწვევით იმყოფებოდა ავსტრიის დედაქალაქ ვენაში. გაიმართა საინტერესო საქმიანი შეხვედრები:

3 მაისს ვენაში გაიმართა შეხვედრა  კავკასიის კვლევების ინსტიტუტის თანამშრომლებთან. სიტყვით გამოვიდა ინსტიტუტის დირექტორი, პროფესორი ადამ ლამბერდი, რომელმაც წარუდგინა თანამშრომლებს თბილისის დავით აღმაშენებლის სასწავლო უნივერსიტეტის რექტორი, პროფესორი ანზორ შარაშენიძე. მხარეები შეთანხმდნენ შემდგომ თანამშრომლობაზე და  შესაბამისად გააფორმეს ურთიერთთანამშრომლობის მემორანდუმი.

პროფესორ ჰანს-გიორგ ჰეინრიხის ინიციატივით, განათლების სფეროში მიღწეული მნიშვნელოვანი დამსახურებისა და საქართველოსა და ავსტრიას შორის საერთაშორისო ურთიერთობების გაძლიერებაში შეტანილი წვლილისათვის, ბატონი ანზორ შარაშენიძე აირჩიეს კავკასიური კვლევების ინსტიტუტის საპატიო წევრად.

2016 წლის 5 მაისს გაიმართა შეხვედრა  ვენის სამშენებლო უმაღლეს სკოლაში. პროფესორმა, ალფრედ ფლეიერმა თბილისის დავით აღმაშენებლის სასწავლო უნივერსიტეტის რექტორს, პროფესორ ანზორ შარშენიძეს დაათვალიერებინა სამშენებლო უმაღესი სკოლის  ინფრასტრუქტურა, გააცნო ლაბორატორიის ტექნოლოგიური სიახლეები.